الزيادة الحميده فى ضغط المخ – متلازمه ادم حكيم

هل تعرف أحد أهالينا كبار السن بقى يمشى و يتحرك بصعوبه, و صاحبها تغييرات فى الشخصيه و صعوبه فى التحكم فى الحمام؟ و ده مكانتش طبيعته لغايه قريب ؟

أنت عارف أن ممكن يكون بيشتكى من مرض اسمه متلازمه ادم حكيم – الاستسقاء المخى ذو الضغط الطبيعى؟

متلازمه ادم حكيم هى واحد أو أكثر من الثلاث أعراض دى:
1- صعوبه فى الحركه و المشى, كأنه نسى المشى
2- تغييرات فى الشخصيه ممكن يظهر بطء في التفكير، أو لا مبالاة، أو نسيان بسيط يخلي الناس تفتكر إنه بدأ يبقى عنده زهايمر. لكن الفرق إن ده قابل للتحسن بعد العلاج لو اتشخص و أتعالج بدرى.
3- صعوبه فى التحكم فى التبول

و دى بتبقى نتيجه لأضطراب فى دورة السائل النخاعى الموجود طبيعى داخل تجاويف المخ. لكن على عكس الأنواع التانية من الاستسقاء الدماغي، الضغط جوه المخ بيفضل طبيعي نسبيًا. المشكلة إن الزيادة دي بتسبب ضغط خفيف ومزمن على أنسجة المخ المسؤولة عن الحركة، والتفكير، والتحكم في البول


مهم جدا نكشف لتحديد و تشخيص المشكله. و دكتور المخ و الأعصاب بعد كده بيبدأ يعمل أشعه رنين مخصوصه للمخ و دورة السائل النخاعى. و فى حال أن التشخيص أتأكد أكتر بالرنين, بنبدأ نعمل بذل للسائل النخاعى لتقليل كميته و ملاحظه استجابه الاعراض على البذل. و يقوم دكتور جراحه المخ و الأعصاب بتحديد خطه العلاج بناءا على نتيجه البذل.

لو تم تأكيد التشخيص ممكن يتركب للمريض تحويلة. أنبوب صغير بيحول السائل الزائد من المخ إلى تجويف البطن أو مكان آخر في الجسم ليتصرف طبيعي.
التحويلة دي بتقلل الضغط على أنسجة المخ، وكثير من المرضى بيتحسنوا بشكل ملحوظ جدًا بعد العملية، خصوصًا في المشي والتحكم في البول.

💬نصيحة مهمة:
كتير بيعتبروا إن  النسيان، أو صعوبة الحركة “طبيعية مع السن”، لكن الحقيقة إن بعض الحالات دي قابلة للعلاج لو اتشخصت بدري.
التشخيص المبكر ممكن يغيّر حياتهم للأفضل 🙏

فى حال وجود الأعراض السابقه , قم بزيارتنا فى أقرب وقت للتشخيص و العلاج و بالشفاء للجميع ان شاء الله