سقوط القدم بعد التخدير النصفى
مقدمه
تعرف أن فى بعض الحالات القليلة ممكن يحصل سقوط و ضعف فى حركه القدم بعد التخدير النصفي، سواء كان التخدير لتدخل جراحى أو ولاده طبيعيه أو قيصريه ؟
متقلقش, و خلينا نعرف أكتر مع بعض ايه المشكله
ما هو سقوط القدم؟ و هل هو مؤقت؟
سقوط القدم يعني إنك مش قادر ترفع قدمك لفوق كويس، وده بيخليك تجر قدمك وإنت ماشى و يخلى فى صعوبه فى المشى. فى أغلب الحالات بيحصل سقوط القدم بسبب تهيج و التهاب مؤقت في الأعصاب المسئوله عن حركة القدم. و أحب أطمنك إن الموضوع غالبًا بيكون مؤقت وبيتحسن مع الوقت والعلاج الطبيعي.
بس مهم نستثنى الأسباب الخطيرة
مهم جدا يتم عمل رنين مغناطيسى على الفقرات القطنيه لاستثناء الحالات النادره جدا الى ممكن يكون سبب الضعف حدوث نزيف فى القناة العصبيه. و الحالات النادره دى بتحتاج تشخيص سريع و أحيانا ممكن تحتاج تدخل سريع لتجنب حدوث ضعف دائم.
كيفيه التعامل و العلاج ؟
لو عندكِ مشكلة في سقوط القدم، ما تترددش أنك تتكلم مع دكتورك. هو هيقدر يساعدك بتمارين معينة أو حتى يقترح عليك استخدام دعامة للقدم عشان تدعمها وانت بتتعافي.
والأهم، خد وقتك في الشفاء؛ الموضوع بياخد وقت، ومع العلاج الصحيح هترجع لحياتك الطبيعية إن شاء الله.
