إمتى الصداع يكون حاجة خطيرة؟
مقدمه
إمتى الصداع يكون حاجة خطيرة؟ علامات لازم تخلي بالك منها
الصداع حاجة كلنا بنمر بيها، ومش دايمًا بيكون خطير. أوقات كتير بيكون بسبب التعب، قلة النوم، أو حتى الضغط العصبي, و فى عوامل بتزود الصداع عموما زى التدخين, عدم أخذ كفايتك من ساعه النوم, الاكثار من المنبهات, العمل لفترات طويله على اللابتوب او الشاشات عموما.
لكن في علامات معينة، لو ظهرت مع الصداع، لازم تاخد بالك منها وتروح لدكتور:
1- أول حاجة لو الصداع جديد ومختلف عن أي صداع حسيت بيه قبل كده، خصوصًا لو شديد جدًا.
2- كمان لو بدأ فجأة وبشكل مفاجئ زي الضربة على دماغك، ده ممكن يكون إنذار مهم.
3- لو الصداع مصحوب بأعراض تانية زي قيء شديد، زغللة في العين، أو دوخة جامدة، دي علامة محتاجة انك تتشاف من الطبيب.
4- وكمان لو حسيت بتنميل أو ضعف في إيدك أو رجلك، أو لو لقيت صعوبة في الكلام أو الفهم، لازم تتصرف بسرعة.
5- لو الصداع حصل بعد خبطة في راسك، حتى لو كانت بسيطة، ما تستناش كتير، لأن ممكن يكون في حاجة مش واضحة زي نزيف داخلي.
6- وأخيرًا، لو الصداع مستمر بشكل يومي وبيزيد مع الوقت،
و أخيرا
كل ده معناه إنك محتاج للكشف و الفحص, ما تستهونش بصحتك, دكتور المخ والأعصاب موجود عشان يساعدك. صحتك أمانة، وما تستناش لحد ما الحالة تسوء.
